ბუღალტრული და აუდიტორული მომსახურება

შეზღუდული პასუხისმგებლობის საწარმოებს, ინდივიდუალურ მეწარმეებსა და მცირე ბიზნესს საბუღალტრო აღრიცხვის სრულფასოვან წარმართვას ვთავაზობთ. მომსახურება პირველადი დოკუმენტაციის მოწესრიგებას, საბუღალტრო ჩანაწერების დამუშავებასა და საგადასახადო დეკლარაციების დროულად წარდგენას მოიცავს. ამასთან ერთად, საქმიანობისას საჭირო ხელშეკრულებების შედგენასა და მოწესრიგებაშიც დაგეხმარებით, ასევე ბიზნესის სწორად მართვისთვის საჭირო რჩევებსა და რეკომენდაციებსაც გაგიზიარებთ. სამუშაო პროცესში საბანკო და სალაროს ოპერაციებს, შემოსავალ-გასავლის ორდერებსა და რეალიზებული მომსახურების შესაბამის დოკუმენტებს - ინვოისებს, სასაქონლო ზედნადებებსა და საგადასახადო ანგარიშ-ფაქტურებს - დეტალურად ვამუშავებთ. ყოველთვიურად ვამზადებთ ხელფასის უწყისებსა და საშემოსავლო გადასახადის დეკლარაციას. პარალელურად, საწარმოს ხარჯებს, მარაგებსა და საწყობს ვაკონტროლებთ, ხოლო დღგ-ის ყოველთვიურ დეკლარაციაში ჩათვლებისა და გადასახდელების სიზუსტეს ვუზრუნველყოფთ. წლიურ დეკლარაციებსაც ვამზადებთ, რაც მოგების, ქონებისა და ფიზიკური პირების თუ ინდმეწარმეების გადასახადებს მოიცავს. მონაცემები სპეციალურ საბუღალტრო პროგრამაში შეგვყავს, სადაც დოკუმენტაცია საგულდაგულოდ მუშავდება. ამასთან, ჩანაწერების სიზუსტის დასაცავად პერიოდულად შიდა აუდიტსაც ვატარებთ. თანამშრომლობისას თქვენი კომპანიის ფინანსური მდგომარეობის შესახებ ინფორმაციას მუდმივად მიიღებთ. წინა წლების დეკლარაციებს, ზედნადებებს, ფაქტურებს, ჩათვლილ თუ გადასახდელ დღგ-ს, ხელფასებსა და სხვა საგადასახადო ვალდებულებებს დეტალურად ვამოწმებთ. წარსულში დაშვებულ შეცდომებს აღმოვფხვრით, დაკარგულ საბუთებს მოვიძიებთ ან თავიდან შევადგენთ და დეკლარაციებს დავაზუსტებთ. ამგვარად, ბიუჯეტში ზედმეტად გადახდილი თანხების უკან დაბრუნებაც შესაძლებელი ხდება. ჩვენთან აქტიური კომუნიკაციის საშუალებით უფასო კონსულტაციებსა და რეკომენდაციებს მუდმივად მიიღებთ, რაც საქმის გაძღოლასა და საბუთების მოწესრიგებაში დაგეხმარებათ. სასტარტო პერიოდში პირველი თვე უფასოა. მისამართი: ც. დადიანის ქ. 7, სავაჭრო ცენტრ „ქარვასლას“ შენობა, მეოთხე სართული, ოთახი C 419.