ბათუმის რესპუბლიკურ კლინიკურ საავადმყოფოში გადაუდებელი დახმარების (ER), ანესთეზიოლოგიის, რეანიმაციის, ქირურგიისა და პედიატრიის განყოფილებები ფუნქციონირებს. ამასთან, ექიმები ამბულატორიულ პაციენტებსაც იღებენ და ბინაზე მკურნალობის კურსსაც უზრუნველყოფენ.
დეპარტამენტს მრავალწლიანი გამოცდილების მქონე, მაღალი კვალიფიკაციის ექიმ-სპეციალისტები ხელმძღვანელობენ. აქ ნებისმიერი სირთულის რეანიმაციულ პაციენტებს მკურნალობენ, თირკმლის ჩანაცვლებით თერაპიას (დიალიზს) ატარებენ და ქირურგიულ, ნეიროქირურგიულ, ორთოპედიულ, ტრავმატოლოგიურ თუ ოტოლარინგოლოგიურ ოპერაციებს აკეთებენ.
