ნოტარიულად დამოწმებული სამედიცინო თარგმანი 31+ ენაზე

მთარგმნელობითი კომპანია "samedicino-targmani.ge" უმაღლესი ხარისხის სამედიცინო თარგმანს გთავაზობთ. კლინიკა "ჯერარსის" ბაზაზე დაფუძნებულ ჩვენს გუნდში პრაქტიკოსი ექიმები და სერტიფიცირებული მთარგმნელები ერთად მუშაობენ. სხვადასხვა სირთულის სამედიცინო საბუთებს 31-ზე მეტ ენაზე ვთარგმნით, რომელთა შორისაა ინგლისური, თურქული, გერმანული და რუსული. თითოეულ ტექსტს აკადემიური სიზუსტითა და საერთაშორისო სტანდარტის სამედიცინო ტერმინოლოგიის დაცვით ვამუშავებთ. რას ვთარგმნით? კლინიკური დოკუმენტაცია და სამედიცინო ისტორია: ჯანმრთელობის ცნობის (ფორმა №IV-100/ა), ეპიკრიზის, ამბულატორიული ბარათის ჩანაწერებისა და სხვა სამედიცინო დოკუმენტების თარგმნა. რადიოლოგიური და ინსტრუმენტული კვლევები: კომპიუტერული ტომოგრაფიის (CT), მაგნიტურ-რეზონანსული ტომოგრაფიის (MRI), პოზიტრონულ-ემისიური ტომოგრაფიის (PET-CT), რენტგენოგრაფიისა და ულტრაბგერითი კვლევის (ექოსკოპია) დასკვნების თარგმნა. ქირურგიული და ინვაზიური ჩარევები: ოპერაციის ოქმის, ანესთეზიის პროტოკოლის, პოსტოპერაციული მართვის გეგმისა და ინვაზიური პროცედურების (მაგალითად, სტენტირება) აღწერილობის თარგმნა. ლაბორატორიული და პათომორფოლოგიური დიაგნოსტიკა: ლაბორატორიული ანალიზების, ბიოფსიის, ჰისტოლოგიური, ციტოლოგიური, იმუნოჰისტოქიმიური და გენეტიკური კვლევების დასკვნების თარგმნა. ფუნქციური დიაგნოსტიკა: ელექტროკარდიოგრამის (ეკგ), ჰოლტერის მონიტორინგის, ექოკარდიოგრაფიის, კორონაროგრაფიის, ელექტროენცეფალოგრამის (EEG), ელექტრომიოგრაფიის, ენდოსკოპიური კვლევების (გასტროსკოპია, კოლონოსკოპია) და აუდიოგრამის დასკვნების თარგმნა. ჩვენი უპირატესობები: კლინიკური სიზუსტე: თარგმნის პროცესში უშუალოდ სამედიცინო სფეროს სპეციალისტები მონაწილეობენ, რაც შინაარსობრივ და ტერმინოლოგიურ ხარვეზებს გამორიცხავს. ნოტარიული დამოწმება: დოკუმენტების თარგმნასთან ერთად, მათ ოფიციალურ ნოტარიულ დამოწმებასაც უზრუნველვყოფთ. დისტანციური მომსახურება: მასალის ფოტო ან ელექტრონული ვერსია Viber / WhatsApp-ის საშუალებით უნდა გამოგვიგზავნოთ, მზა თარგმანს კი სახლიდან გაუსვლელად მიიღებთ. ხშირად დასმული კითხვები: რა არის სამედიცინო დოკუმენტაციის თარგმნის ფასი? თარგმნის ღირებულება მოთხოვნილ ენაზე, ტექსტის მოცულობაზე, ტერმინოლოგიურ სირთულეზე, შესრულების ვადასა და ნოტარიული დამოწმების საჭიროებაზეა დამოკიდებული. ზუსტი ფასის დასადგენად, დოკუმენტი უფასო შეფასებისთვის უნდა გამოგვიგზავნოთ. რა დრო სჭირდება თარგმანის მომზადებას? შესრულების ვადა დოკუმენტის მოცულობისა და კლინიკური სირთულის მიხედვით განისაზღვრება. მაგალითად, მოკლე სამედიცინო ცნობის ან ლაბორატორიული კვლევის შედეგების თარგმნას გაცილებით ნაკლები დრო სჭირდება, ვიდრე ვრცელი სამედიცინო ისტორიის (ეპიკრიზის) ან კომპლექსური ონკოლოგიური დოკუმენტების დამუშავებას. სავალდებულოა თუ არა ნოტარიული დამოწმება? ეს საკითხი მიმღები დაწესებულების (კლინიკა, საელჩო, უნივერსიტეტი) შიდა მოთხოვნებზეა დამოკიდებული. თარგმანის შეკვეთამდე გირჩევთ ნოტარიული დამოწმების საჭიროება უშუალოდ მიმღებ ორგანიზაციაში გადაამოწმოთ. შესაძლებელია თუ არა მომსახურების მიღება დისტანციურად? დიახ, ჩვენი სერვისით სარგებლობა სრულად დისტანციურადაა შესაძლებელი. მზა თარგმანს, მათ შორის ნოტარიულად დამოწმებულ საბუთებს, ფოსტის მეშვეობით საქართველოს ნებისმიერ წერტილში მოგაწვდით. შესაძლებელია თუ არა თარგმანის შეკვეთა ფოტოასლის საშუალებით (თარგმნა ფოტოთი)? დიახ, წინასწარი შეფასებისა და თარგმნისთვის დოკუმენტის მკაფიოდ გადაღებული ფოტო ან დასკანერებული ელექტრონული ვერსიაც საკმარისია. ნარჩუნდება თუ არა დოკუმენტის ორიგინალი ფორმატი? დოკუმენტის თავდაპირველ სტრუქტურას, ცხრილებს, ნუმერაციას, კლინიკურ მაჩვენებლებსა და სხვა მნიშვნელოვან ვიზუალურ დეტალებს მაქსიმალური სიზუსტით ვინარჩუნებთ.