ვეტერინარიულ მომსახურებას ბინაზე გამოძახებით გთავაზობთ.
თერაპიული მიმართულებით პაციენტის გასინჯვა, დიაგნოსტიკა, ნემსების გაკეთება, კათეტერიზაცია და გადასხმა ადგილზევე ტარდება.
ვაქცინაციის გარდა, სხვადასხვა ანალიზისთვის მასალას ვიღებთ და ლაბორატორიაში თავადვე მიგვაქვს. ამ გზით სისხლის საერთო და ბიოქიმიური, შარდის, კანის, კოპროლოგიური ანალიზები და სწრაფი იმუნოქრომატოგრაფიული ტესტები კეთდება, რომლებიც ძაღლის ჭირს, ბაბეზიოზს, ანაპლაზმოზს, ერლიხიოზს, ლეიშმანიოზს, დიროფილარიოზსა და სხვა დაავადებებს ავლენს.
მცირე ქირურგიული ჩარევების დროს ჭრილობებს ვამუშავებთ და ნაკერებს ვადებთ.
პარვოვირუსული და კორონავირუსული ენტერიტების, ასევე ლიამბლიას დიაგნოსტირება ადგილზე სწრაფი ტესტებით ხდება, რასაც შესაბამისი მკურნალობის დაწყება მოჰყვება.
ცხოველის მშობიარობას ბინაზევე ვიღებთ, ხოლო საჭიროების შემთხვევაში პაციენტი კლინიკაში საკეისრო კვეთაზე გადაგვყავს.
ჩვენს მომსახურებაში ევთანაზიაც შედის.
ცოფის ანტისხეულების ტიტრის განსაზღვრისთვის სისხლს ადგილზევე ვიღებთ და კვლევისთვის „მრჩეველის“ ლაბორატორიაში ვაგზავნით.
საჭირო კონსულტაციას კი ვაქცინაციის, ჩიპირებისა და პასპორტიზაციის საკითხებზე გაგიწევთ.
